Aðalfundur félagsins MÍR haldinn 26. júní 2022 samþykkti tillögu stjórnar að hætta rekstri félagsins í núverandi mynd. Þá samþykkti aðalfundur að allar eignir félagsins hverju nafni sem þær nefnast verði afhentar sjálfseignarstofnun „MENNINGARSJÓÐNUM MÍR„ sem stofnaður er samtímis þessari breytingu. Húsnæði félagsins að Hverfisgötu 105 verður selt og andvirði sölunnar myndar stofnfé sjóðsins. Jafnframt mun félagið kaupa minna og hentugra húsnæði fyrir eignir félagsins og starfsemi. 

Aðalhlutverk sjóðsins er að nýta stofnfé og aðrar eignir  til styrkveitinga fyrir ýmis konar menningarstarfsemi er tengist menningu og sögu Rússlands og menningarsamskiptum Íslands,  Rússlands og fyrrum lýðvelda Sovétríkjanna.

Tillagan var samþykkt samhljóða og mun stjórnin vinna að framkvæmd þesarar samþykktar.